திருவண்ணாமலையில் ஏரியில் மூழ்கி 4 சிறுமிகள் உட்பட 5 பேர் உயிரிழந்த துயரச் செய்தி மிகுந்த அதிர்ச்சியையும், வேதனையையும் அளிக்கிறது. வாழ்க்கையில் எண்ணற்ற கனவுகளுடன் வாழ வேண்டிய பிஞ்சுக் குழந்தைகள் உள்ளிட்ட ஐந்து விலைமதிப்பற்ற உயிர்கள் பறிபோன இச்சம்பவம் நெஞ்சை உலுக்குகிறது. உயிரிழந்தவர்களின் குடும்பத்தினருக்கும், உறவினர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக் கொள்கிறேன். இந்த ஈடுசெய்ய முடியாத இழப்பைத் தாங்கிக்கொள்ள அவர்களுக்கு எல்லாம் வல்ல இறைவன் மனவலிமையை அளிக்க வேண்டுகிறேன்.
மேலும், பாதிக்கப்பட்ட குடும்பங்களுக்கு தமிழக அரசு உரிய நிவாரண உதவிகளை உடனடியாக வழங்க வேண்டும் எனக் கேட்டுக்கொள்கிறேன். இதுபோன்ற துயரச் சம்பவங்கள் இனியும் நிகழாத வகையில், ஏரிகள், குளங்கள் உள்ளிட்ட நீர்நிலைகளில் பொதுமக்கள் மற்றும் குழந்தைகளின் பாதுகாப்பை உறுதிசெய்யத் தேவையான முன்னெச்சரிக்கை நடவடிக்கைகளை அரசு மேற்கொள்ள வேண்டும். உயிரிழந்த ஐந்து பேரின் ஆன்மாக்கள் சாந்தியடைய இறைவனைப் பிரார்த்திக்கிறேன்.
கண்ணீருடன் ஆழ்ந்த இரங்கல்!
By
