தேசத்தைக் காக்கத் தன்னுயிர் தந்த காவல்துறை வீரர்களுக்கு வீரவணக்கம். 1959 ஆம் ஆண்டு அக்டோபர் 21 அன்று, லடாக் எல்லைப் பகுதியில் தாய்நாட்டின் பாதுகாப்பிற்காகத் தங்கள் இன்னுயிரைத் தியாகம் செய்த மத்திய ரிசர்வ் காவல் படையைச் சேர்ந்த 10 வீரர்களின் மகத்தான தியாகத்தை நினைவுகூரும் வகையில், ஆண்டுதோறும் அக்டோபர் 21 ஆம் தேதி காவலர் வீரவணக்க நாள் அனுசரிக்கப்படுகிறது. நாட்டின் எல்லைப் பாதுகாப்பு முதல் பொதுமக்களின் உயிர் மற்றும் உடைமைகளைப் பாதுகாப்பது வரை, இரவு பகல் பாராமல் அர்ப்பணிப்புடன் பணியாற்றும் காவல்துறையினரின் சேவை அளப்பரியது.
கடமை, கண்ணியம், கட்டுப்பாடு ஆகியவற்றைத் தாரக மந்திரமாகக் கொண்டு, சட்டம் ஒழுங்கைப் பாதுகாக்கும் பணியில் தங்களது இன்னுயிரை ஈந்த அனைத்து காவல்துறை வீரர்களுக்கும், தேசிய முற்போக்கு திராவிட கழகத்தின் சார்பில் எனது நெஞ்சார்ந்த வீரவணக்கத்தைச் செலுத்துகிறேன். வீரமரணமடைந்த காவலர்களின் குடும்பத்தினருக்கு என்றும் நாம் துணைநிற்க வேண்டும். நாட்டிற்காக அவர்கள் செய்த தியாகம் ஒருபோதும் மறக்கப்படக்கூடாது.
காவலர்களின் தியாகத்தைப் போற்றுவோம்! அவர்களின் அர்ப்பணிப்புக்கு என்றும் தலைவணங்குவோம்!
வீரர்களின் தியாகம் என்றும் நிலைத்திருக்கும்!
By
