கோவையில் காவல்துறை அதிகாரியின் துணிச்சலுக்கு தேமுதிக சார்பில் பாராட்டும் வாழ்த்தும் தெரிவித்து அறிக்கை

கோவையில் கோவில் பாளையம் தலைமை காவலர் அதிகாரி (Head Constable) திரு.வேல்முருகன் அவர்கள் கஞ்சா கடத்தலில் ஈடுபட்ட கும்பலைப் பிடிக்க, சுமார் 40 கிலோமீட்டர் தூரம் வாகனத்தைத் துணிச்சலுடன் விரட்டிச் சென்று, தன் உயிரையும் பொருட்படுத்தாமல் கஞ்சா கடத்தல் கும்பலை கைது செய்த காவல்துறை அதிகாரியின் வீரத்தையும், கடமை உணர்வையும் தேசிய முற்போக்கு திராவிட கழகத்தின் சார்பில் மனதாரப் பாராட்டுகிறோம்.

பொதுமக்களின் பாதுகாப்பிற்காகவும், போதைப்பொருள் இல்லாத தமிழகத்தை உருவாக்குவதற்காகவும் தங்களது உயிரைப் பணயம் வைத்து பணியாற்றும் காவல்துறையினரின் அர்ப்பணிப்பு உணர்வு உண்மையிலேயே பாராட்டுக்குரியது.

இத்தகைய துணிச்சலான காவல்துறை அதிகாரிகளை தமிழக அரசு உரிய முறையில் பாராட்டி, சிறப்பு ஊக்கமும் வெகுமதியும் வழங்க வேண்டும் என்றும் கேட்டுக்கொள்கிறோம்.